Adds

"تجارب مصرية مش هتلاقيها في أي مكان تاني" لما تفكر في السفر أول حاجة بتيجي في بالك المزارات المشهورة والآثار، بس لو عايز تعيش تجربة مختلفة تعيش البلد مش تزورها بس يبقى لازم تشوف مصر من عين أهلها وتمشي في حكاياتهم وتشاركهم يومهم في المقال ده، هناخدك في جولة مش عادية… جولة في التجارب المصرية اللي مش كل الناس تعرفها، بس اللي بيجربها عمره ما ينساها من قلب الصحراء "مع بدوي في سيناء" تبدأ يومك مع راجل بدوي بسيط، على نار هادية بيتسوى فوقها عيش الشراك والشاي المغلي على الفحم ريحته مالية المكان تركب الجمل وتعدي بيه وسط الجبال والصخور تسمع صوت الرياح وهي بتحكي قصص الصحرا، ولما الليل ييجي، تنام تحت السما اللي مليانة نجوم كأنك أول مرة تبص فوق "سحر النوبة" بيت بالألوان وقلوب بالأمان النوبة مش بس مكان دي حالة حب البيوت هناك مرسومة بألوان تحسسك إنك جوه لوحة وأهلها هيرحبوا بيك كأنك من العيلة تسمع أغانيهم، تتعلم حركات رقصهم، وتشرب الكركديه من إيدي ست نوبية قلبها طيب ووشها منور "ريف الصعيد" جمال البساطة تصحى مع أول نور تسمع صوت الديوك وتشم ريحة الطين والمطر تساعد فلاح في زراعته، وتتغدى من إيده أكلة فلاحي من قلب الريف ما هو (البلدى يوكل) الستات بيخبزوا العيش البلدي، وانت قاعد معاهم، تسمع ضحكهم وحدوتاتهم حياة هادية، بسيطة، بس هتعلمك يعني إيه رضا وسعادة "جولة مع مرشد سياحي" ابن بلد مش حافظ بس عايش لو فكرت يوم تزور الأقصر أو القاهرة القديمة، اختار مرشد يكون من قلب المكان مش بس هيحكيلك التاريخ، ده هيفتحلك صندوق الحكايات، ويقولك عن بيوت الأشباح، والأسرار اللي ما بين السطور هتحس إنك ماشي مع حكيم، مش مرشد، بيديك التجربة بروحها مش بمعلوماتها ب ليه التجارب دي تستاهل؟ اللي بيميز الرحلة مش الصور، ولا الأماكن لا ده الناس الناس اللي بتضحكلك، تديك من أكلها، وتعلمك من قلبه التجارب دي بتخلي الزائر يبقى مش سائح… يبقى من أهل البلد، ولو ليوم واحد لو ناوي تزور مصر، متكتفيش بالمزارات… عيش معاهم. عيش زى أهلها، واسمع منهم، كل واحد فيهم عنده حكاية، وانت ممكن تكون جزء منها.